Sunday 18 November 2007

مكالمة مع الوطن






آسف الخط إنقطع



ألو ..
ألو ..
ألو ..
وطني .. حبيبي .. عمري ..
أرجوك ماأسمعك
بلكي تعلي الصوت

أسمع رصاص و بجي
وعبر الأسلاك الدمع
يوصل وريحة موت
أسمع صياح ولغط
ومناداه يا هَل الربع
خل نرفع التابوت
أسمع عياط ولطم
وأم تنعه يا هلَ الولد
يلغربت بسكوت
ويلكنت وكت المسه
بيدك تكود الكمر
وتصيرله زاتوت
ويلكنت شمعة عرس
من تنطفي الكهربة
خدك يضوي بيوت
وكان الدرب يستحي
ويلوذ من خطوتك
لو ردت مره تفوت
مـاخـاف لـيل اليجي
مادام في معصمي
يوليدي تضوي بتوت .

ألو ..
ألو ..
ألو ..
يمكن الخط إنقطع
مَيْؤَوسْ من هل الوضع
ماينصلِح هل الظرف .


ألو ..
ألو ..
ألو ..
آسف ولا ينسمع
والصوت مو الأولي
الصوت أحس مرتبك
ذبـلان ورد الحجي
بشفافك ومنكتل
من حقي لو كمت أشك
آني عـرفـتك قبل
من تحجي ينزل رطب
والدنيا تمطر ضحك
وبكلشي أشوفك تهل
حتى الصبح من يجي
ويه الشمس تشترك
وما كان واحـد قبل
ياخذ ركبتك غفل
لو صار وكت العرك
وما بالَغِت لو قلت
كنت أويه موت النِزَلْ
لو زامطك تشتبك
والآن ياوطني:
دنكت لأصغر قزم
والكان يحلم قبل
يوصل الحَد الورك
معقوله ياوطني
إتخلي الكمر ينذبح
وسِتْر الشمس ينهتك؟ .

ألو ..
ألو ..
ألو ..
وطني .. حبيبي .. عمري
كن بلهاتك جَرِحْ
من تحجي أحِسْ مخننك
شــايل بكفك نــهـر
مـيت ونخله إنكـتل
مـــــــابـين إديـهـا العثك
شايـل بكفك وطــن
مذبوح من كل كتر
وبثوبـه ريحة حــرك
مـن كنت أبـوسك قبل
خـدك يوَرِد هـوى
ومـثل الكمر تعتلك
والآن ياموطني
دم بلبل براحِتك :
يابس وريحة كتل
توصلني كلما تمر
نسمه إعله جثة
العشك
هم شفت قبلك وطن
كتاله شعبه وزرَع
بثيابه مِيَتْ فتك ؟
إحجي أريدْ أسْمَعَك
مايسوه باقي العمر
لوما تكول الصدك
يلنعشَك إعله الجتف
شلته بعد ماشفت
كطعوك من العِرِك



ألو..
ألو ..
ألو ..
وطني .. حبيبي .. عمري
الليله كاس الحزن
أرد أشربه بصحتك
مرت سنه من قهر
وسنين راحت تجي
وأنت على حـالتــك
دورت بين الصور
كلت ألكة بلكت ولو
شي باقي من ضحكتك
وفجأة:
إتفَجِرَتْ قنبله
مزروعه وسط الصور
والدم ترَسْ راحِتك
ودخان عالي إرتفع
ما كمت أمَيّـز بعد
رجليك من هامِتك
كتلوك ياوطني
أهل الوجوه الصفر
واللي كرط ملحِتك
كابلني شيل النعش
أرد آني أدفنك وأرد
أحجيلهــــــم قصِتك
لكن غريب الأمر:
إشلون أدفن ضوه
وياكاع تكدر تلم
ياموطني جثتك؟


ملاحظة: جزيل الشكر للأخت العزيزة
Chikitita
و التي زودتني بهذه القصيدة التي لم نتمكن من التعرف على اسم مؤلفها و نعتذر منه لنشرها من دون اسم

4 comments:

Yasmin (Blanche) said...

Dear a&e iraqi,
This was Beauuuutiful.. the words r full of tears..
thanks for publishing it.. iw ill send it to all my freinds.. i was so keen to know who wrote it..
ashat eedak..
PS: i do hope u r feeling a bit better now.. i did not what to comment on yr last post, though i tried more than once ..dont know if it helps to say : i know how u feel..
take care..

A&Eiraqi said...

Dear Yasmin
Thanks a lot for your words and concern.
It's not about how I feel as much as how things are.
I'll be getting a job of reception somewhere soon, so I should feel better, I used to think that I was going to be a doctor; seems it was a childish idea.

Regards

Yasmin (Blanche) said...

a&e iraqi,
YOU ARE a Doctor.. this is only a hard time that u r going through and it will end soon inshallah.. remeber that the hour before Dawn is the darkest hour of the whole day.. so.. Inshallah "Nasron mena Allah w Fathon Qareeb"..
dont Ever give up..
Taheyyatee..

A&Eiraqi said...

Thanks a lot Yasmin
I don't want to say that I hope so as I stopped hoping but; I'm sure that I'll get used to it and it will be just something to laugh about when I remember.

Allah kereem